Home / Fokus / Xhamia e Pajtimit në Bubavec të Malishevës është shpallur Xhami-Muze

Xhamia e Pajtimit në Bubavec të Malishevës është shpallur Xhami-Muze

Xhamia e Pajtimit në Bubavec të Malishevës është shpallur Xhami-Muze. Këtë e ka bërë me dije  imami Mulla Xhevat Kryeziu. Ky vendim është marrë nga Bashkësia Islame e Kosovës me seli në Prishtinë, pas kërkesës që për këta e kishte bërë Këshilli për Pajtimin e Gjaqeve, në nivel të Kosovës. Bashkësia Islame e Kosovës ka marrë vendim që në të njëjtin lokacion të kësaj xhamie të ndërtojë një xhami tjetër ku besimtarët do t’i kryejnë obligimet dhe ritet fetare. Në lokacionin e kësaj xhamie në vitin 1990 ishte mbajtur njëri ndër tubimet më të mëdha në Kosovë për pajtimin e gjaqeve e ngatërresave ku ishin falur rreth 50 gjaqe e shumë ngatërresa ndërmjet shqiptarëve të rrethinës. Mysafir i shpeshtë i kësaj xhamie në vitet e nëntëdhjeta në funksion të organizimeve të pajtimit ndërshqiptar para fillimit të luftës për liri ka qenë kryepajtimtari  i Koosvës, Anton Çetta i cili e ka patur për bashkëpunëtor të ngushtë imamin e Xhamisë së Bubavecit, Mulla Xhevat Kryeziun. Xhamia e Bubavecit të asaj kohe të bujshme është frekuenntuar edhe gnga e jithë bota akademike e vënë në funksion të pajtimit kombëtar.

Për shkak të rolit kombëtar të Xhamisë së Bubavecit, ajo ishte shndërruar në një “halë në sy” për regjimin serb në vitet e nëntëdhjeta.

Në shenjë hakmarrjeje forcat kriminale serbe posa u ishte dhënë rasti, më 22 gusht 1998 ia kishin vënë zjarrin asaj, ndërkohë që menjëherë pas luftës ishte bërë renovimi i saj.

Kreu i Bashksisë Islame për degën e Malishevës, Mulla Xhevat Kryeziu tashmë po punon intenzivisht që Xhamia e shpallur Muze të marr rolin e saj konform emrit dhe rolit të ri.

“Ne po punojmë tani të mbledhim e sistemojmë materiale e fotografi nga koha e pajtimit, nga koha e luftës së shenjtë të UÇK-së dhe gjithë historisë sonë të lavdishme. Brenda Xhamisë-Muze do të vendosen fotografitë e Gjergj Kastriotit-Skënderbeut, Adem Jasharit, Ismail Qemalit, Fehmi Lladrovcit, Anton Çettës e shumë atdhetarëve që u sakrifikuan për lirië që e gëzojmë sot”, ka thënë për portalin ONLINE, Mulla Xhevat Kryeziu i cili me shumë vullnet e energji vazhdon të punojë në afrimin dhe pajtimin e shqiptarëve kudo që ka konflikte e ngatërresa.

Ai u bënë thirrje qytetarëve që eventualisht posedojnë ndonjë dokument, fotografi apo çfarëdo materjali nga puna e Xhamisë së Bubavecit ta kontaktojnë atë në mënyrë që ato të arkivohen në muzeun e ri./Portali ONLINE/

Check Also

Çfarë është e premte e zezë? Çfarë ndodh në ketë ditë

Çfarë është e premte e zezë? Çfarë ndodh në ketë ditë? Dhe a i lejohet …