Home / Bota / Policia gjermane regjistroi 1075 krime islamofobike në vitin 2017

Policia gjermane regjistroi 1075 krime islamofobike në vitin 2017

Policia gjermane rregjistroi 1.075 krime Islamofobike në vitin 2017, sipas shënimve të reja qeveritare të njoftuara të martën.

Ekstremistët apo grupet e ekstremit të djathtë kanë kryer rreth 994 sulme kundër muslimanëve dhe xhamive, të cilat përbëjnë 92.5 për qind të të gjitha krimeve Islamofobike, tha raporti nga Ministria e Brendshme, sipas albawaba.com.

Në janarin e kaluar, policia filloi rregjistrimin e krimeve Islamofobike nën një kategori të posaçme, pasi thirrjeve nga Bashkësia Muslimane e Gjermanisë për të marrë masa më serioze kundër rritjes së numrit të krimeve anti-muslimane të urrejtjes.

Gjermania, një vend prej 81.8 milionë banorësh, ka popullsinë e dytë më të madhe muslimane në Evropën Perëndimore pas Francës.

Në mesin e rreth 4.7 milionë muslimanëve të vendit, 3 milionë janë me origjinë turke. Shumë prej tyre janë gjenerata e dytë ose e tretë e familjeve turke që migruan në Gjermani në vitet 1960.

Ekonomia më e madhe e BE-së ka dëshmuar rritjen e Islamofobisë dhe urrejtjes së emigrantëve në vitet e fundit të shkaktuara nga propaganda nga partitë e ekstremit të djathtë dhe populiste, të cilat kanë shfrytëzuar frikën nga refugjatët

Burimi : IQNA/ ml

Check Also

Video: Vajtimi Për Të Vdekurit Shkak Për Denimin Ne varr Hoxhë Bedri Lika

Vajtimi Për Të Vdekurit Shkak Për Denimin Ne varr Hoxhë Bedri Lika