Home / Bota / Kinë, alarm i kuq për shkak të tajfunit Mangkhut

Kinë, alarm i kuq për shkak të tajfunit Mangkhut

Në Kinë është dhënë alarmi i kuq për shkak të tajfunit Mangkhut, i cili është efektiv në Hong Kong, rajonin Macau dhe zonat jugore të Kinës.

Qendra Kombëtare Meteorologjike e Kinës, ka dhënë paralajmërimin e kuq i cili është alarmi i nivelit më të lartë në vend, për shkak të tajfunit Mangkhut, i cili është efektiv në Hong Kong dhe rajonet jugore Guangdong, Fucien dhe Hainan të Kinës.

Sipas lajmit të gazetës “South China Morning Post”, tajfuni Mangkhut, i cili ka kaluar nga vendbanimet në Filipine ka shkaktuar përmbytje në Hong Kong dhe Makau.

Në pamjet e publikuara në media vërehet se tajfuni rrëzon pemët, çati të shtëpive, dritare dhe zvarrit njerëzit nëpër tokë, ndërkohë ekipet e kërkim shpëtimit po zhvillojnë aktivitetet e shpëtimit me barka në disa vende të cilat janë përmbytur.

Shpejtësia e tajfunit ka arritur në 165 km në rajonet e Kinës jugore, si dhe ka shkaktuar ndërprerje e peshkimit, transportit ajror, hekurudhor, detar si dhe procesin mësimor në rajon.

Po ashtu është bërë paralajmërimi se tajfuni nesër dhe pasnesër do të përparojë në rajonet e brendshme të vendit.

Burimi: AA

Check Also

Video: Përqafoje Nënën. Mesazh për gjithë ! Duaje NËNËN sa ësht gjall ! #Shpërndaje

Përqafoje Nënën. 💖💖 Mesazh për gjithë ! Duaje NËNËN sa ësht gjall ! #Shpërndaje 💖