Home / Troje Shqiptare / Kosova / Reagim pas lajmeve për duelin televiziv me Ivica Daçiqin në RTS dhe komentin për Edi Ramën

Reagim pas lajmeve për duelin televiziv me Ivica Daçiqin në RTS dhe komentin për Edi Ramën

Nexhmedin SPAHIU

Javën e kaluar isha i ftuar në RTS në duel televiziv me Zëvendës Kryeministrin dhe Ministrin e Jashtëm të Serbisë, Ivica Daçiq.

Edhe pse debati prodhoi shume lajme interesante për Kosovën, Serbinë e rajonin, asnjë nga mediet e Kosovës, pos TV Mitrovicës, nuk dha asnjë lajm nga ky debat. Madje as faktin që gjatë debatit numri 2 i Qeverisë së Serbisë u detyrua të thotë se do të vijë në Prekaz per t’u perkulur para viktimave, e as faktin që unë në studio të RTS-it në Beograd shkova me flamur kombëtar të Kosovës në xhaketen time të cilin kamerat e fokusonin tërë kohës.

Për më tepër, portali Gazeta Metro e më pas shumica e portaleve tjera në Kosovë, transmetuan gazetën e verdhe beogradase “Informer” qe opinioni në Serbi e mendon për gazetë të Sherbimit Sekret Serb, e të cilen ambasadori amerikan ne Beograd e quajti gazete plehre, ma mvesh se kam thene ne RTS, në debat me Daçiqin, se Edi Rama thithë kokainë. Edhe pse emisionin në RTS e ka shikuar gjithë Serbia dhe e di se çfarë kam thënë saktesisht dhe askund nuk kam përmendë fjalën kokainë.

Eshtë e vërtetë se në debat me Daçiqin, kam thënë se kërcënimin që Edi Rama i ka bërë Bashkimit Evropian mund ta ketë bërë nën ndikimin e drogës. Shprehja ka qenë gjithësesi figurative dhe këtë e kam sqaruar në vijim të emisionit. Kjo ngase mua nuk më intereson jeta private e politikanëve e as e kryeministrit shqiptar nëse konsumon apo jo drogë përkundër faktit se këtë e thonë shumica e qytetarëve të Shqipërisë. Sigurisht që është e drejta ime të komentoj atë çfarë kryeministri i Shqipërisë thotë e ka të bëjë me Kosovën.

Arsyeja pse shkrimet e mia botohen e citohen gjithandej rajonit të Ballkanit buron nga fakti se unë i them të njëjtat qëndrime si në mediet e Kosovës, si në ato të Shqipërisë, Maqedonisë, Bullgarisë, Serbisë, Malit të Zi, Bosnjes, Kroacisë….

Edhe kësaj radhe në Beograd unë mbajta qëndrimet e mia të njohura për të cilar lipset guxim e dinjitet.

Fakti që portalet e gazetat e Kosovës nuk citojnë atë cfarë kam thënë në RTS por gazetën e verdhë beogradase të shërbimit sekret, më jep të kuptoj se kush e drejton opinionin publik në Kosovë.

Botimi i këtij reagimi do të më bënte të kuptoj se megjithatë në Kosovë ka forca e redaksi që nuk kontrollohen nga BIA serbe./ g.ozoni

Check Also

Falënderimi ndaj All-llahut dhe shkenca

Tema nuk është diçka e panjohur te ne në Islam pasi se secili musliman e …