Home / Feja / O Bujar, i qëndroj besës tonë të parë

O Bujar, i qëndroj besës tonë të parë

Një njeri i mirë, tregon se teksa po sillej rrotull Qabes, dëgjon një zë gruaje e cila lutej:”O Bujar, i qëndroj besës tonë të parë!”

Ai i afrohet dhe e pyet:”Më fal moj motër, por a mund të më thuash si e ke hallin dhe çfarë është ajo besa juaj e parë?!”

Ajo i thotë:”Udhëtoja në një anije bashkë me tim bir, i cili asokohe ishte foshnjë. Në bordin e anijes udhëtonin dhe njerëz të tjerë. Gjatë lundrimit, deti egërsohet dhe fillon një stuhi e egër. Anija u përmbys për shkak të erërave të forta dhe u copëtua. Të gjithë u mbytën, përveç meje dhe tim biri, pasi u kapëm pas një dërrase të anijes, e cila na mbajti mbi ujë. Pas pak, dallova dhe një burrë të zi i cili kishte shpëtuar dhe ai falë një dërrase. Pasi u qetësua deti, burri i zi e la dërrasën e tij dhe duke notuar erdhi tek dërrasa jonë. Me tu kapur pas dërrasës më tha se i pëlqeja dhe se donte të përmbushë instinktet e tij.

“Pash Zotin – i thashë – a nuk e sheh se në çfarë halli jemi?! Vështirë të shpëtojmë duke e lutur Zotin dhe duke iu përgjëruar Atij, si të shkon mendja të bësh gjëra të tilla?!”

Ai më tha:”Ka marrë fund ai muhabet!” pastaj zgjati dorën, kapi foshnjën time dhe e hodhi në det.

Unë bërtita dhe u luta me zë të lartë:”O Ti që e ruan njeriun nga e keqja e vetes së tij, më ruaj mua nga e keqja e këtij shpirtkatrani!”

Pasha Zotin nuk kaluan as disa sekonda dhe një peshkaqen i madh e përpiu burrin e zi. Dallgët me nxorën në tokë, ku më gjetën disa njerëz. U tregova hallin tim dhe gjithçka që më kishte ndodhur.

Ata më thanë:”Ne të tregojmë diçka akoma më të çuditshme: Ndodheshim në det duke peshkuar. Në një moment, na afrohet një delfin me një foshnjë në shpinë. Kur u afrua, një zë na tha:”Merreni dhe kujdesuni për foshnjën, përndryshe do u përmbyset varka!” dhe ne e morëm dhe u kujdesëm për të. Ndoshta është yt bir!” Vajtëm në shtëpinë e tyre dhe gjeta tim bir atje shëndoshë e mirë.”

Gruaja meriton ti dhurohet dashuri, dhembshuri dhe ngrohtësi, pasi ajo:

Duron marrëzitë e burrit.

Duron lindjen e tij, edukimin dhe përkujdesjen.

Ajo ka forcë sa edhe ta falë, kur i kërkon falje, sado i madh të jetë gabimi.

Një burrë pati një konflikt me të shoqen dhe zërat u ngritën. E zemëruar, e shoqja nxori valixhet dhe filloi të fusë rrobat, e vendosur që të kthehet në shtëpinë e prindërve.

I shoqi e kuptoi se çfarë po bën e shoqja dhe pasi i kërkoi falje, i buzëqeshi dhe i dhuroi disa fjalë të ngrohta, e pyeti:”Çfarë po bën e dashur?”

Ajo i tha:”Po fus rrobat e verës në valixhe, për të nxjerrë ato të dimrit.”

Grave u bëhet qejfi me një buzëqeshje dhe një fjalë të ngrohtë.

Të sillesh butësisht me to, është tregues i burrërisë.

Thotë profeti Muhamed a.s:”Nuk i nderon gratë veçse një fisnik dhe nuk i poshtëron veçse një i lig.”

E pashpresë është një shoqëri e cila beson se të sillesh butë me bijat e Havasë (gratë) është mungesë personaliteti.

Mos e bëj një grua të qajë, se është Zoti ai që i numëron lotët e saj!

Ajo nuk është krijuar nga këmbët e tua që ta shkelësh, as nga koka jote që të tregohesh arrogant me të, por është krijuar nga brinja jote, që të jetë e barabartë, është krijuar pranë zemrës tënde që ta duash.

E mrekullueshme është femra:

Gjatë fëmijërisë, i hap të atit portën e parajsës.

Gjatë rinisë së saj, plotëson fenë e të shoqit.

Gjatë mëmësisë së saj, xheneti gjendet nën këmbët e saj.

Lindja është dhembja e dytë më e madhe, ajo vjen menjëherë pas dhimbjeve që shkakton djegia për së gjalli.

Mesatarja e dhimbjes që mund të përballojë njeriu është 45 njësi, sakaq gruaja gjatë lindjes përballon 57 njësi.

Kjo dhimbje është e barabartë me dhimbjen që shkakton thyerja e njëzet eshtrave.

O Zot tregohu i dhembshur me një trup i cili na mbajti nëntë muaj, duke iu dobësuar eshtrat, duke iu çarë lëkura. Shpërbleje o Zot atë trup të cilin e privuam nga rehatia dhe gjumi, jepi mirësi atij trupi nga i cili morëm shëndetin duke e sëmurë, e që na nxori në dritë pas vuajtjeve të shumta!

O Zot bëj që parajsa tu thërrasë nënave tona dhe tu thotë:”Mirë se vini, më ka marrë malli për ju!”

Check Also

Ushqimet që na bëjnë të ndjehemi të uritur

Shpesh na ndodh që kemi përfunduar ushqimin, megjithatë pas disa minutash kemi nevojë që të …