Home / Feja / May do të ftojë liderët e BE-së të dënojnë Rusinë

May do të ftojë liderët e BE-së të dënojnë Rusinë

Kryeministrja britanike Theresa May do t’i ftojë liderët e Bashkimit Europian (BE) që të bashkohen dhe të dënojnë Rusinë në Samitin e bllokut në Bruksel.

May kërkon deklaratë të fuqishme kundër presidentit rus Vladimir Putin pas helmimit të ish-spiunit të dyfishtë rus dhe vajzës së tij në Britani. Londra akuzon Moskën për sulmin me gaz nervor.

Pas sulmit, Britania e Madhe e quajti Rusinë kërcënim gjithnjë e më të madh për demokracinë perëndimore.

Të hënën ministrat e Punëve të Jashtme të Bashkimit Europian shprehën “solidaritet jokualifikues” me Britaninë.

Megjithatë, May shpreson për formulim të qartë që në mënyrë eksplicite dënon Rusinë.

Brexit po ashtu do të jetë në rend dite të Samitit dyditësh të BE-së, i cili fillon sot në Bruksel.

Britania shpreson se Unioni do të nënshkruajë kushtet e daljes së Mbretërisë së Bashkuar për vitin e ardhshëm dhe do të japë “dritë jeshile” për bisedimet mbi marrëdhëniet e ardhshme./Rtv Islam/

Check Also

Forcat Ajrore izraelite sulmojnë kufirin lindor të Rripit të Gazës

Forcat Ajrore të Izraelit ndërmorën një sulm ajror ndaj kufirit lindor të Rripit të Gazës. …