Home / Feja / Djali, Babai dhe respekti i munguar

Djali, Babai dhe respekti i munguar

Një i ri, nuk i duroi dot sjelljet e bezdisshme të babait të tij plak dhe vendosi ta nxjerrë nga shtëpia. Vendi ku mendoi ta çojë, ishte një luginë në mes të shkretëtirës. E mori babanë, e çoi në shkretëtirë dhe e braktisi atje. Kaluan vite dhe kohë dhe ky djalë tashmë ishte i plakur dhe i shtyrë në moshë. Tashmë sjelljet e tij ishin të bezdisshme dhe të padurueshme për djalin e tij, i cili filloi të mendojë si ta heqë qafe të atin. Në fund mendoi se zgjidhja më e mirë ishte, ta braktisë në shkretëtirë. Kështu e mori babanë dhe për fat e dërgoi në të njëjtin vend ku babai kishte lënë gjyshin e tij para kushedi sa vitesh.

Kur e pa vendin, babai i tha:”O biri im! Merre sërish kuvertën me të cilën më solle”!

Djali e pyeti i habitur: ”Përse duhet ta marr”?

I ati i tha: ”Sepse do i duhet djalit tënd, kur të të sjellë edhe ty në këtë vend”!

I befasuar, djali e pyeti: ”Përse e thua këtë o baba”?

I ati iu përgjigj: ”Sepse unë e kam braktisur babanë tim po në këtë vend dhe po me këtë kuvertë”.

Zoti i Madhëruar e ka shoqëruar respektin e prindërve bashkë me adhurimin e tij.
“Zoti yt ka urdhëruar, që të mos adhuroni askënd tjetër përveç Atij dhe të silleni mirë me prindërit”. (Isra 23)

Check Also

Shpella ku ishin fshehur Muhammedi a.s. dhe Ebu Bekri r.a.

Nëntë fakte rreth kodrës Thevr ku merimanga thuri rrjetën: 1. Kodra Thevr është një mal …