Home / Headline / 50 milionë euro vijnë nga Turqia për stadiumin e Kosovës

50 milionë euro vijnë nga Turqia për stadiumin e Kosovës

Drejtori i Kompanisë nga Turqia “Akay Construction INC, Ertan Olgun, ka thënë se janë të gatshëm të ofrojnë 50 milionë euro për stadiumin e Kosovës dhe se ky stadium do të jetë gati për 18 muaj.

“Stadiumi do të jetë ndër 9 stadiumet më të bukura në botë dhe paratë do të jepen me kamata të ulët, ndoshta edhe pa kamatë. Stadiumi do t’i ketë 25 mijë ulëse”, ka thënë ai.

Ndryshe dje delegacioni turk, që ka vizituar Kosovën dhe  ka takuar zyrtarë të institucioneve të vendit dhe të FFK-së, njofton RTKlive.

Ata janë takuar me sekretarin e përgjithshëm i FFK-së, Eroll Salihu, janë pritur nga kryetari i Kuvendit të Kosovës, Kadri Veseli. Kurse nuk janë pritur nga Ministri i Kulturës dhe Rinisë dhe Sporteve.

Delegacioni nga kompania turke, “Akay Construction INC”, përbëhet nga drejtori Ertan Olgun dhe zëvendësin e tij Murat Ozturk dhe nga miku i madh i FFK-së, Kenan Kurtesh.

Check Also

Princi Muhamed Bin Selman ftohet nga Izraeli për një vizitë historike

Ministri izraelit i Shërbimeve Sekrete pohoi sot se qeveria izraelite i ka bërë ftesë princit …